Plantun de Prouvènço

Pèr coumpara dos planto d'encò nostre

Spirobassia hirsuta & Barbula unguiculata

Spirobassia hirsuta

Amaranthaceae Chenopodiaceae

Nom en français : Bassia hirsute.

Descripcioun :
Planto de ribo de mar e de palun, ramificado, emé de fueio proun poupouso. Es uno planto forço bourrihudo subretout sus la cambo entre li fueio. Li tepalo an uno pouncho sus l'esquino d'1 mm à pau près .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Spirobassia
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Palun - Mar - Sansouiro
Estànci : Mesoumediterran
Couroulougi : Pancaro entresigna
Ref. sc. : Spirobassia hirsuta (L.) Freitag & G.Kadereit, 2011 (= Bassia hirsuta (L.) Asch, 1867 )

Barbulo-ounglo-d'aucèu

Barbula unguiculata

Pottiaceae

Nom en français : Barbule ubiquiste.

Descripcioun :
Aquelo mousso coumuno au nostre trachis sus lou sòu e sus lis endré ounte i'a un pau de terro. I'agrado li liò dubert e lou lume. Fai facilamen d'espouroufite à la primo. Se recounèis subretout à sa fueio acabado pèr uno pouncho emé de bord recurva. Lou boursèu èi d'un verd un pau sourno alor que la couifo se trovo èstre longo, la sedo èi roujo. Dedins li dènt dóu peristome soun peréu longo e espiralado.

Usanço :
Es proche d'àutri meno dóu meme gènre, coume Streblotrichum (Barbula) convoluta pu pichoto qu'a ges de longo pouncho e peréu li fueio soun plano. Se pòu engana tambèn emé d'àutri Potiaceae.